Гвардиола: Не би можел да спијам ако сега го напуштам Сити!

December 15, 2024 | Kristijan Trajchov | Свет

Пеп Гвардиола јасно стави до знаење дека нема намера да го напушти Манчестер Сити, и тоа во време кога тимот доживува најголем пад во својата форма под негово водство. По неколкуте разочарувачки резултати во Премиер лигата и Лигата на шампионите, многумина зборуваат за тоа дали Пеп би можел да се повлече, но тренерот е цврсто решен да остане. „Воопшто не жалам што потпишав нов договор. Ако го напуштам Сити во оваа ситуација, не би можел да спијам. Тоа е невозможно. Можеби ќе ме отпуштат, тоа е реално, но сам да заминам од оваа позиција во овој период, тоа е нешто што не можам да го направам“, изјави Гвардиола. Манчестер Сити се наоѓа во период на големи предизвици, но Пеп не ја губи вербата во својот тим. Денес, тие го чекаат големото градско дерби против Манчестер Јунајтед (17:30 часот), натпревар кој може да биде клучен за да се врати самодовербата на „граѓаните“ и да започне патот кон закрепнување. Гвардиола, кој изминатите години донесе бројни успеси за Сити, продолжува да се бори за својата позиција и за успехот на тимот, без оглед на сите тешкотии што ги имаат во моментов.

Не е дозволено копирање и користење на содржините без да бидат исполнети
Условите за користење на содржините.