Гвардиола одлучил да остане во Манчестер Сити!

November 16, 2024 | Kristijan Trajchov | Свет

Договорот на Пеп Гвардиола со Манчестер Сити истекува наредното лето. Кога претходните два пати го продолжуваше договорот со „граѓаните“ тоа го правеше во месец ноември. На нивната клупа е од 2016 година, а тој има изјавено дека најверојатно ќе биде тука барем 10 години. Според ексклузивни информации на „Football Insider“, Шпанецот пресекол и донел одлука да продолжи во клубот уште една година, односно до 2026 година. Наводно, 99 проценти е се договорено и се очекува само официјално да биде потврдено. Воедно, во наредните неколку месеци ќе биде позната и првичната одлука за тоа дали Манчестер Сити ќе заработи некаква казна бидејќи добија тужба со дури 115 обвиненија од Премиер лигата за прекршување на финансискиот фер-плеј. Во моментов тимот е во криза, има четири порази во низа, што се случува за прв пат во кариерата на Шпанецот.

Не е дозволено копирање и користење на содржините без да бидат исполнети
Условите за користење на содржините.