Халанд може да замине уште летово, иако потпиша договор до 2034 година!

February 7, 2025 | Kristijan Trajchov | Свет

Ерлинг Халанд неодамна го продолжи договорот со Манчестер Сити до 2034 година, но и покрај тоа, постои одредба што би можела да му овозможи да го напушти клубот ова лето. Иако во неговиот договор нема класична откупна клаузула, според шпанскиот El Nacional, постои специфична клаузула која би можела да стане проблем за Сити. Доколку тимот на Пеп Гвардиола не обезбеди место во Лигата на шампионите, Халанд има право да побара трансфер со соодветно обештетување. Во моментов, Манчестер Сити е на петтата позиција во Премиерлигата, што го прави сценариото потенцијално загрижувачко, иако навистина би било изненадување доколку до тоа дојде. Дополнително, клубот е под закана од казна поради прекршување на финансискиот фер-плеј, а евентуално одземање бодови би можело уште повеќе да ја загрози нивната позиција во топ 4.

Не е дозволено копирање и користење на содржините без да бидат исполнети
Условите за користење на содржините.