Хаос во Мадрид: Атлетико бркаше негатива од два гола, на крај дојде до победа! (ВИДЕО)

December 8, 2024 | Kristijan Trajchov | Свет

Денешниот фудбалски спектакл во Примера заврши со неверојатен натпревар на „Ванда Метрополитано“, каде Атлетико Мадрид успеа да се врати од два гола негатива и да слави со 4-3 против Севиља. Мечот беше полн со возбудувања, а со својата динамика и висок интензитет на игра, одлично ги задоволи фудбалските љубители. Натпреварот започна брзо, а веќе по десет минути игра, Де Пол го отвори резултатот за Атлетико. Сепак, Севиља не се предаде и веднаш одговори. Само две минути подоцна, Лукебакио израмни на 1-1, а во 30. минута Ромеро донесе предност за гостите (1-2). Со овој резултат се замина на полувреме. Во вториот дел, Севиља продолжи да доминира, а Санчез во 49. минута ја зголеми предноста на 1-3. Но, Атлетико не се откажуваше. Гризман со сигурен удар го намали резултатот на 2-3, а Лино постигна спектакуларен гол од далечина за 3-3, десет минути пред крајот. Со овој резултат, натпреварот влезе во напнат финиш, каде двете екипи атакуваа по трите бода. Во судиското надополнување, Антоан Гризман повторно се истакна со гол, кој донесе радост на домашните навивачи и конечни 4-3 за Атлетико Мадрид.

El de siempre dándonos la victoria del año. Hay que hacerle una estatua a Griezmann lo antes posible. pic.twitter.com/o52opKAY8o

— Don Oblak (@DonOblak) December 8, 2024

Не е дозволено копирање и користење на содржините без да бидат исполнети
Условите за користење на содржините.