Хит реакција на Колвил и Кукуреља на ВАР-снимката (Видео)

April 4, 2025 | Kristijan Trajchov | Свет

Во лондонското дерби Челси издвои тесна, но стратешки вредна победа над лутиот ривал Тотенхем со 1-0. Енцо Фернандез го запиша своето име во протоколите со прецизен погодок, носејќи експлозија од емоции на трибините на „Стемфорд Бриџ“. Но како што доликува на едно дерби, натпреварот не мина без доза на драма и ВАР возбуда. Во 50. минута, Моисес Каиседо повторно ја затресе мрежата и навивачите веќе славеа, но еуфоријата беше пресечена од сигналот за ВАР интервенција. Судијата Крег Посон, под будното око на камерата, отиде до мониторот и по кратка анализа го поништи голот поради офсајд ситуација, одлука која ги запали страстите и на теренот и на трибините. Но, моментот што ја освои публиката дојде во сенка на технологијата додека судијата ја прегледуваше спорната ситуација, Леви Колвил и Марк Кукуреља се доближија до ВАР мониторот и со љубопитни изрази на лицата ѕиркаа во одлуката на арбитерот. Нивната детска љубопитност и живописните реакции веднаш станаа вирален хит на социјалните мрежи, додавајќи му хумористичен шмек на едно жестоко дерби.

Levi and Cucu react to the disallowed goal while the ref is reviewing the footage on screen 😂😂🤣 VAR @levi_colwill @cucurella3 pic.twitter.com/9E3dJC67di

— Feroze Ali (@feroze17) April 4, 2025

Не е дозволено копирање и користење на содржините без да бидат исполнети
Условите за користење на содржините.