И Мбапе не помогна: Хрватска ја совлада Франција на „Пољуд“ во Сплит! (ВИДЕО)

March 20, 2025 | Kristijan Trajchov | Свет

Хрватската фудбалска репрезентација забележа значајна победа во првиот меч од четвртфиналето на Лигата на нации, триумфирајќи со сигурни 2-0 против силната Франција пред домашната публика. Килијан Мбапе се врати во составот на „триколорите“ и заедно со Коло Муани и Дембеле требаше да биде голема закана за хрватската одбрана. Сепак, тимот на Далиќ уште еднаш покажа дека знае како да се носи со притисок на големите натпревари. Спектакуларната атмосфера на „Пољуд“ во Сплит ги носеше домаќините, кои одиграа импресивно прво полувреме. Веќе во деветтата минута, Милан Мењан за првпат беше ставен на тест и одлично го одбрани ударот од белата точка на Андреј Крамариќ. И покрај тоа, „коцкестите“ не застанаа – во 22. минута искусниот Анте Будимир, по речиси едногодишна пауза без гол, ја погоди мрежата и ѝ донесе водство на својата селекција. Асистент беше Иван Перишиќ, кој пред крајот на првиот дел се запиша и како стрелец, поставувајќи 2-0, резултат што остана непроменет до крајот на натпреварот. Французите имаа иницијатива во второто полувреме, но не успеаја да ја материјализираат. Реваншот е закажан за три дена и ќе се одигра на „Стад де Франс“ во Париз.

PERISIC IS COLD 38 BUT STILL A BALLER WHAT A GOAL AGAINST FRANCE pic.twitter.com/fRjY8cYGKs

— 🅰️ MAD DREAM 🇳🇬 🏴󠁧󠁢󠁥󠁮󠁧󠁿 (@amad_dream) March 20, 2025

Не е дозволено копирање и користење на содржините без да бидат исполнети
Условите за користење на содржините.