Ибрахимовиќ: Им се извинувам на фановите на Милан

January 1, 2025 | Kristijan Trajchov | Свет

Милан неодамна донесе одлука за промена на тренерската позиција, заменувајќи го Пауло Фонсека со Серџо Консеисао, кој ќе се обиде да го врати клубот на патеката на успеси. Неколку дена по оваа промена, свој став изнесе Златан Ибрахимовиќ, кој упати благодарност до Фонсека. „Консеисао пристигна, но пред да започнеме со него, сакам да му се заблагодарам на Фонсека за сè што направи за Милан во текот на својот престој,“ изјави Ибрахимовиќ. Она што привлече поголемо внимание е делот каде што Ибрахимовиќ јавно се извини на Португалецот, што е реткост со оглед на неговата позната цврста природа и став да не се повлекува од своите одлуки. „Го почитувам Фонсека, но тој не успеа да обезбеди резултатска стабилност, а во клуб како Милан тоа е пресудно. Одлучивме да го отпуштиме по натпреварот и направивме грешка што го испративме на прес-конференција. Им се извинувам на Фонсека и на навивачите,“ додаде Ибрахимовиќ.

Не е дозволено копирање и користење на содржините без да бидат исполнети
Условите за користење на содржините.