Илон Маск е спремен да плати над 7 милијарди евра за да го купи Ливерпул

January 8, 2025 | Kristijan Trajchov | Свет

Илон Маск би можел наскоро да стане сопственик на уште еден голем светски бренд, додека размислува да влезе во светот на спортот. Најавата за оваа нова инвестиција се појави кога таткото на Маск, Ерол, потврди во интервју дека Илон има желба да го купи Ливерпул. Според него, ова не значи дека тоа ќе се случи, но објасни зошто Ливерпул го привлекува. „Точно е дека Илон изрази желба да го купи Ливерпул, но тоа не значи дека тој всушност ќе го направи тоа“, изјави Ерол. Според него, љубовта на Илон за Ливерпул потекнува од фактот што баба му е родена во тој град, а семејството има роднини таму. Покрај тоа, на младите години татко му го однел во Ливерпул, што оставило голем впечаток. Гласините за интересот на Маск за купување на Ливерпул првично се појавија преку „Weekend Sport“, кој наведува дека цената на клубот би била околу 7,2 милијарди евра, што е само мал дел од проценетата вредност на Маск, која изнесува над 400 милијарди евра. Маск веќе има големо влијание во светот на технологијата, а неговите политички амбиции се растат, па се верува дека купувањето на Ливерпул може да го зголеми неговото влијание и во Обединетото Кралство. Не се работи само за љубовта кон спортот, туку и за стратегија за проширување на неговиот глобален дофат. Ливерпул е во сопственост на „Фенвеј спортс груп“ од САД уште од 2010 година, кога групата го купи клубот за 300 милиони фунти. ФСГ поседува и други спортски франшизи, вклучувајќи го тимот Бостон Ред Сокс и хокејскиот тим Питсбург Пингвинс.

Не е дозволено копирање и користење на содржините без да бидат исполнети
Условите за користење на содржините.