Инзаги: Не сум видел играч како Јамал со години, моравме да го чуваме со тројца

May 1, 2025 | Kristijan Trajchov | Свет

Симоне Инзаги со своите изјави по натпреварот даде јасен сигнал за високото ниво на самодоверба и амбиција со кое Интер влезе во ова полуфинале. Фактот што изрази незадоволство за поништениот гол на Мхитарјан покажува колку блиску се чувствуваа до победата, а неговиот коментар за Ламин Јамал само дополнително го потврдува квалитетот на спектаклот на „Монжуик“. Посебно импресивна беше оценката за Јамал каде според Инзаги, 16-годишниот фудбалер е нешто што не се гледа со години. Таквиот респект од противничкиот тренер ретко се изразува јавно, што уште повеќе зборува за влијанието на младото крило на Барселона во еден од најважните натпревари на сезоната. “Огромно задоволство, одигравме одличен натпревар. Двојна предност, поништен гол за кој сѐ уште не разбирам зошто беше поништен. Одигравме одлично против најсилната екипа во светот. Во второто полувреме, според мене, одигравме на многу високо ниво. Тоа беше многу организирана претстава. Инаку не може да се одигра ваков натпревар овде. Гол избришан за милиметар? Тоа се работи што прават разлика, но не би го смениле моето мислење за оваа екипа”, започна Инзаги. Реваншот на „Џузепе Меаца“ ветува уште една фудбалска драма. Со резултатот 3:3, сѐ е отворено, а двата тима покажаа дека имаат потенцијал и за борба и за спектакл.

Не е дозволено копирање и користење на содржините без да бидат исполнети
Условите за користење на содржините.