Јунајтед им исплати богатство на Тен Хаг и отпуштениот спортски директор

February 20, 2025 | Kristijan Trajchov | Свет

Финансискиот извештај на Манчестер Јунајтед открива дека клубот потрошил милиони фунти на отпуштања, додека истовремено спроведува масовно кратење на трошоците. По доаѓањето на Сер Џим Ратклиф како ко-сопственик, најбогатиот Британец започна радикални мерки за намалување на трошоците, што доведе до отпуштање на 250 вработени. Се најавува уште еден бран отпуштања, при што дополнителни 200 лица ќе останат без работа. Во истиот период, обелоденето е дека Манчестер Јунајтед исплатил 4,1 милион фунти за отказот на спортскиот директор Дин Ешфорт, кој на функцијата остана само пет месеци. Според одредени извори, вистинскиот трошок е значително поголем – над 10 милиони фунти, ако се земе предвид и сумата платена на Њукасл како обесштетување. Дополнително, клубот потрошил уште повеќе од 10 милиони фунти за предвремениот раскин на договорот со менаџерот Ерик тен Хаг и неговиот стручен штаб.

Не е дозволено копирање и користење на содржините без да бидат исполнети
Условите за користење на содржините.