Јунајтед издвои важна победа на „Крејвен Котиџ“

January 26, 2025 | Kristijan Trajchov | Свет

Во натпревар без многу фудбалска убавина, Манчестер Јунајтед извојува минимална победа од 1-0 против Фулам, која им донесе напредок од едно место на табелата во Премиер лигата. Моментот на одлука дојде во 78. минута, кога Лисандро Мартинез со маестрален удар од далечина го надмудри противничкиот голман Лено. Тоа беше единствениот директен обид на Јунајтед кон голот, а воедно и највпечатливиот момент на натпреварот. Иако двата тима заедно упатија само четири директни удари, „ѓаволите“ ја запишаа третата гостинска победа оваа сезона. Со оваа победа, избраниците на Рубен Аморим се искачија на 12-тото место, поминувајќи ги Кристал Палас и Вест Хем. Сепак, Јунајтед останува далеку од врвот и борбата за европските натпреварувања, што покажува дека има уште многу работа пред себе за да се врати во трката за високите позиции. Голот погледнете го ТУКА.

Lisandro Martinez celebration 😭😭😭 #MUFC

pic.twitter.com/6K5tjyF0MG — MUFC Scoop (@MUFCScoop) January 26, 2025

Не е дозволено копирање и користење на содржините без да бидат исполнети
Условите за користење на содржините.