June 22, 2025 | | Свет
Јувентус продолжува со сигурен чекор на Светското клупско првенство – овој пат „Старата дама“ го декласираше Видад од Мароко со убедливи 4-1 и го потврди пласманот во осминафиналето. Италијанскиот гигант веднаш стави до знаење кој е фаворит. Во 6. минута автогол на Бутоли ги отвори вратите кон победата, а само десет минути подоцна Кенан Јилдиз со прецизен удар зголеми на 2-0. Видад не се предаде – Лорч намали на 2-1 во 25. минута и го врати натпреварот во рамнотежа. Сепак, тоа беше само момент на надеж за африканскиот претставник. Во второто полувреме, Јувентус повторно ја презеде контролата. Јилдиз со својот втор гол во 70. минута ги скрши сите сомнежи, а Влаховиќ од белата точка во финишот само го потврди триумфот со 4-1. Сега сите очи се вперени кон последното коло, каде Јуве ќе се судри со Манчестер Сити – меч кој може да биде пресметка за првото место во групата и полесен пат понатаму.
YILDIZ BANGER 🚀 (via @DAZNFootball)pic.twitter.com/ZlrcixBc5n
— B/R Football (@brfootball) June 22, 2025
Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 7, 2024 |
September 16, 2024 |