Камавинга заработи тешка повреда и за него сезоната е завршена!

April 24, 2025 | Kristijan Trajchov | Свет

Лоши вести за Реал Мадрид и нивните навивачи. Едуардо Камавинга нема само да го пропушти финалето на Купот на Шпанија против Барселона, туку ќе биде надвор од терените подолго време. На последниот натпревар против Хетафе, младиот француски фудбалер доживеа тешка повреда поради која мораше да биде заменет. Подоцнежните лекарски прегледи потврдија кинење на тетивата, што значи дека Камавинга ја заврши сезоната. Според првичните проценки, неговото опоравување ќе трае од два до три месеци, што сериозно ги загрозува и неговите шанси да настапи на Светското клупско првенство. Овој удар е дополнителна главоболка за Карло Анчелоти, кој веќе се соочува со проблеми во средниот ред поради други повреди. Камавинга досега беше еден од најдобрите и најконзистентните играчи на Реал оваа сезона, па неговото отсуство сигурно ќе се почувствува во завршницата од сите натпреварувања. Останува да се види како „кралскиот клуб“ ќе се снајде без него и дали ќе најдат вистинска замена за неговата улога.

Не е дозволено копирање и користење на содржините без да бидат исполнети
Условите за користење на содржините.