Карло Анчелоти прикривал данок, може да добие пет години затвор!

March 28, 2025 | Kristijan Trajchov | Свет

Легендарниот италијански тренер Карло Анчелоти се соочува со сериозен правен предизвик во Шпанија, каде што против него е покренато обвинение за затајување на данок. Според надлежните органи, Анчелоти во 2014 и 2015 година избегнал да плати повеќе од еден милион евра даночен долг, поради што дел од неговиот имот веќе е запленет. Судските процеси се веќе во тек, а клучното рочиште е закажано за 2 април. Доколку се потврди неговата вина, стратегот на Реал Мадрид би можел да се соочи со затворска казна до пет години – сценарио кое би можело значително да ја загрози неговата кариера. Сепак, искусниот тренер останува смирен и уверен во својата невиност: "Ова е стара приказна. Тие веруваат дека во 2015 година сум бил резидент на Шпанија, а тоа не е точно. Веќе платив казна, а сега адвокатите ќе ја завршат својата работа. Верувам дека правдата ќе победи." Со оглед на неговата важност за тимот на Реал Мадрид, исходот од судењето би можел да има пошироко влијание врз клубот, особено во пресрет на најважниот дел од сезоната.

Не е дозволено копирање и користење на содржините без да бидат исполнети
Условите за користење на содржините.