Кин шокиран од играчот на Јунајтед: Неговата игра е шокантна!

December 5, 2024 | Kristijan Trajchov | Свет

Рој Кин имаше можност да го гледа дербито на „Емирејтс“ во живо додека се емитуваше неговата емисија „Overlap“. Сепак, после се што види на теренот во Северен Лондон, легендарниот Ирец не можеше да биде задоволен од играта на Манчестер Јунајтед. Поранешниот капитен на тимот на „црвените ѓаволи“ смета дека новиот тренер, Рубен Аморим, добил јасна слика за квалитетот и состојбата на тимот, но неговата анализа не беше љубезна, особено кога станува збор за изданието на Маркус Рашфорд. Иако Рашфорд имаше добар старт во ерата на новиот менаџер и постигна три гола, во дербито против Арсенал беше поставен на клупата за резерви. Англичанецот доби само 30 минути во второто полувреме да ја покаже својата форма, што ја натера Кин да биде критичен кон неговото влијание во играта. „Морам да кажам нешто. Маркус Рашфорд влезе во игра, но од тоа што го гледаме, може да заклучиме дека неговата генерална игра како фудбалер е шокантна. Дали видовте како ја шутна топката со глава? Не можам да поверувам што гледам. Јунајтед не доби ништо од резервите кои влегоа во вториот дел. Резервите не направија ништо. Јунајтед секако не заслужи ништо, изгледаа како ѓубре и овој тим само може да ве измами со едно добро издание. Нема динамика, нема брзина, не видов ниту еден добар знак вечерва. Ова беше лесна победа за Арсенал, новиот менаџер сигурно си мислеше дека овој тим поседува барем малку повеќе квалитет. Сега се увери дека не е така, навистина бев фрустриран на крајот на натпреварот“, објасни Кин.

Не е дозволено копирање и користење на содржините без да бидат исполнети
Условите за користење на содржините.