„Ќе го нокаутирам Винисиус за 10 секунди ако влеземе во ринг“

January 5, 2025 | Kristijan Trajchov | Свет

Винисиус Жуниор е фудбалер кој често успева да ги изнервира противниците на теренот, а Пабло Мафео, играчот на Мајорка, е еден од оние што не кријат антипатија кон него. Мафео неодамна изјави дека би можел да го „нокаутира“ Бразилецот за само 10 секунди доколку се сретнат во боксерски ринг. Нивниот конфликт трае повеќе од една година, започнувајќи со натпреварот меѓу Мајорка и Реал Мадрид, кога Мафео се обиде да го испровоцира Винисиус, нарекувајќи го „обичен плачко“ и демонстративно гестикулирајќи. Во тој дуел имаше две ситуации кои лесно можеа да резултираат со црвен картон за Мафео. „Искрено, за првиот старт требаше да добијам црвен картон, немам изговор за тоа. Но, вториот старт не беше толку сериозен. Имав среќа што четвртиот судија беше блиску и ја процени ситуацијата како неинтензивна“, изјави тој. Мафео отворено изјави дека не го сака Реал Мадрид, што дополнително ја зголемува неговата жестина во дуелите против тимот. „Мислам дека тоа би било најгледаната борба на сите времиња. И да, сигурен сум дека би го победил за 10 секунди“, рече Мафео.

Не е дозволено копирање и користење на содржините без да бидат исполнети
Условите за користење на содржините.