Конференциска лига: Челси подобар Копенхаген, Панатинаикос ја шокираше Фиорентина (ВИДЕО)

March 6, 2025 | Kristijan Trajchov | Свет

Фудбалерите на Челси остварија гостинска победа од 1-2 против Копенхаген во првиот натпревар од осминафиналето во Конференциската лига. Џејмс го отвори резултатот во 47. минута, а само неколку минути подоцна, Фернандез ја зголеми предноста на 0-2. Домаќините успеаја да намалат на десетина минути пред крајот, кога Габриел Переира стрелаше за конечни 1-2. Во Грција, Фиорентина загуби од Панатинаикос со 3-2. Првото полувреме беше особено возбудливо, бидејќи беа постигнати четири гола и се замина на пауза со резултат 2-2. Во вториот дел, Тете погоди за триумф на домаќините. Од останатите средби, Молде славеше со 3-2 против Легија, додека Бетис и Виторија Гимараеш одиграа без победник, 2-2.

Не е дозволено копирање и користење на содржините без да бидат исполнети
Условите за користење на содржините.