Кукуреља ги откри главните разлики меѓу Ла Лига и Премиер лига

November 12, 2026 | Kristijan Trajchov | Свет

Кукуреља ги откри главните разлики меѓу Ла Лига и Премиер лига

Марк Кукуреља направи интересна споредба меѓу шпанската Ла Лига и англиската Премиер лига, посочувајќи ги разликите во квалитетот, физичката подготвеност и тактичкиот пристап на екипите. Фудбалерот на Реал Мадрид смета дека квалитетот на фудбалот во Шпанија можеби е на повисоко ниво, дури и кај екипите од долниот дел на табелата, кои според него се обидуваат да играат атрактивен и технички фудбал. „Мислам дека квалитетот во Шпанија можеби е поголем. Дури и екипите од дното на табелата се обидуваат да играат фудбал“, изјави Кукуреља. Сепак, Шпанецот нагласи дека физичкиот аспект е значително поинаков во Англија. Според него, Премиер лигата е натпреварување во кое ситуацијата може целосно да се промени за само една минута. „Физички, разликата е огромна. Во Премиер лигата за само една минута може да се случат многу работи. Натпреварот може да стане целосно луд, а работите во еден момент да излезат од ваша контрола“, објасни дефанзивецот. Кукуреља направи и јасна разлика во тактичкиот пристап на двете првенства. „Во Шпанија фудбалот е многу потактички. Во Англија е многу поотворен и понепредвидлив“, заклучи фудбалерот во разговор за „COPE“.

Не е дозволено копирање и користење на содржините без да бидат исполнети
Условите за користење на содржините.