Куман: Ги убиваат фудбалерите, ова е премногу

June 12, 2024 | Kristijan Trajchov | Свет

Денешните фудбалери играат многу повеќе натпревари за разлика од порано. Причина за тоа е воведувањето на нови формати како во европските натпреварувања, така и во интернационалните. Она што Куман мисли дека не е во ред е проширувањето на Лигата на шампионите следната сезона од 32 на 36 екипи со уште повеќе мечеви во групите, како и зголемување на бројот на учесници на Светското првенство од 32 на 48 селекции во 2026 година. „Не се работи секогаш за спортот. Тие ги убиваат фудбалерите“, изјави тој за германскиот весник „Bild“ пред самиот почеток на Европското првенство. Исто така, следната година ќе се одржи и проширеното Светско клупско првенство. „Или клубовите патуваат во Азија и Америка за да се подготват за сезоната. Тоа е проблем. Наместо да се намалува притисокот врз играчите, тој станува се поголем и поголем“ рече Куман. Се повеќе фудбалери, селектори и луѓе од фудбалскиот свет дискутираат за оваа тема и прашање на време е кога самите фудбалери ќе излезат заедно и јавно ќе бунтуваат поради ова. Ова е и една од причините за честите повреди на самите фудбалери.  

Не е дозволено копирање и користење на содржините без да бидат исполнети
Условите за користење на содржините.