Ливерпул киксна кај Њукасл, Сити конечно победи, нов триумф на Челси (ВИДЕО)

December 4, 2024 | Kristijan Trajchov | Свет

Лидерот Ливерпул беше приморан да се задоволи со реми во една од дерби пресметките во 14. коло, откако одигра 3-3 против Њукасл на „Сент Џејмс Парк“. Домашната екипа поведе во првиот дел преку Александар Исак, но брзо потоа се разбудија гостите. Куртис Џонс израмни во 50. минута, а потоа Арон Гордон повторно го доведе Њукасл во водство. Сепак, Мохамед Салах беше тој што го режираше пресвртот за Ливерпул, но на крајот, Фабијан Шер со гол во последната минута од регуларното време обезбеди бод за Њукасл. Манчестер Сити, пак, конечно стави крај на кризата и на серијата порази, совладувајќи го Нотингем Форест со убедливи 3-0 на „Етихад“. Шампионот поведе во првиот дел со голови на Бернардо Силва и Кевин Де Брујне, а точка на победата стави Џереми Доку во вториот дел. Челси забележа убедлива победа на гостувањето кај Саутемптон, со резултат 1-5. Дисаси го отвори резултатот за „сините“, но Арибо израмни за Саутемптон. Меѓутоа, Челси продолжи со доминација и погодоци на Кристофер Нкунку, Нони Мадуеке, Кол Палмер и Џејдон Санчо, додека Стефенс од Саутемптон доби црвен картон. Евертон, исто така, славеше убедливо со 4-0 против Вулверхемптон, покажувајќи силна игра на домашен терен.

Не е дозволено копирање и користење на содржините без да бидат исполнети
Условите за користење на содржините.