Манчестер Сити се откажа од Вирц, им бил прескап

May 19, 2025 | Kristijan Trajchov | Свет

Манчестер Сити се повлекува од трката за потписот на германскиот репрезентативец Флоријан Вирц (22), пренесува „Би-Би-Си“. Иако првично започнале разговори со претставниците на играчот, раководството на актуелниот англиски шампион проценило дека трансферот би претставувал преголемо финансиско оптоварување. Поради тоа, клубот ќе се насочи кон пореални и побюџетски прифатливи алтернативи. Како можни засилувања на креативната средина и понатаму се споменуваат имињата на Морган Гибс-Вајт за улогата на “десетка”, додека Тијани Рејндерс останува главна цел за позицијата „осумка“. И покрај повлекувањето на Сити, интересот за Вирц не стивнува. Баерн Минхен, Ливерпул и Реал Мадрид се сериозни кандидати за неговиот потпис, а се верува дека за неговите услуги ќе мора да се издвојат околу 150 милиони евра. Овие бројки само ја потврдуваат репутацијата на Вирц како еден од најпосакуваните млади фудбалери во Европа. Вирц беше промовиран во првиот тим на Баер Леверкузен пред пет години и оттогаш неговата кариера бележи постојан напредок. Во тековната сезона има одиграно 45 натпревари, при што постигна 16 голови и забележа 15 асистенции – статистика што зборува доволно за неговата важност на теренот. За германската репрезентација дебитираше во 2021 година и досега има собрано 29 настапи, при што шест пати се запиша во листата на стрелците.

Не е дозволено копирање и користење на содржините без да бидат исполнети
Условите за користење на содржините.