June 13, 2025 | | Свет
По една од послабите сезони под водство на Пеп Гвардиола, раководството на Манчестер Сити не губи време – клубот тргна агресивно на трансфер-пазарот со јасна цел: враќање на врвот и борба за сите трофеи. Иако зимските засилувања – Омар Мармуш (75 милиони евра), Нико Гонзалес (60), Абдукадир Кушанов (46), Витор Реис (37) и Јума Бах (6) – донесоа свежина, тоа беше доволно само за пласман во Лигата на шампиони. За клуб со стандарди какви што има Сити, тоа е под очекувањата. Поради тоа, Гвардиола веднаш доби зелено светло за нова трансфер-инјекција. Во летниот преоден рок пристигнаа: Тијани Рејндерс за 55 милиони евра – интелигентен плејмејкер со одлично чувство за темпо и контрола на средината; Рајан Алт-Нури за 36,8 милиони – модерен бек со офанзивен инстинкт; Рајан Черки за 36,5 милиони – еден од најталентираните офанзивци во Европа; Маркус Бертинели – искусен голман, донесен бесплатно како поддршка на голманската ротација. Овие имиња се дел од новиот проект на Гвардиола, кој има за цел да изгради пофлексибилен, динамичен и помлад тим. Манчестер Сити јасно покажува дека не се задоволува со место во ЛШ – нивната амбиција останува иста: доминација на домашната и европската сцена.
Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 7, 2024 |
September 16, 2024 |