Медиумте во Германија тврдат: Вирц го одбрал новиот клуб!

October 9, 2024 | Kristijan Trajchov | Свет

Најдобрите европски клубови се борат за услугите на Флоријан Вирц кој скоро па сигурно ја игра последната сезона во Баер Леверкузен. Според „Sky Germany“, Баерн Минхен во моментов се чини дека води во трката за потписот на 21-годишниот фудбалер, а германското издание објави дека играчот се стреми кон трансфер во баварскиот клуб. Баерн првпат му пристапил на Вирц пред неколку години, но тие допрва треба да започнат разговори со Леверкузен. Реал Мадрид, Манчестер Сити, Арсенал, како и Барселона наводно се во игра за Вирц, кој се очекува да чини помеѓу 100 и 150 милиони евра. Нормално, Леверкузен повеќе би сакал да го испрати во странство отколку да го продаде на домашен ривал, но секако голема улога има и сопствената волја на играчот. Доколку Баерн загуби во трката за потписот на Вирц следното лето, тие би можеле да тргнат по Чави Симонс, кој моментално е втора година на позајмица во РБ Лајпциг од Пари Сен Жермен. Баварците минатото лето се обидоа да го ангажираат 21-годишниот Холанѓанец, но тој одлучи да остане во Лајпциг.

Не е дозволено копирање и користење на содржините без да бидат исполнети
Условите за користење на содржините.