Меѓусебните односи се тотално нарушени: Консеисао воопшто не го есапи Калабрија (ВИДЕО)

May 15, 2025 | Kristijan Trajchov | Свет

Финалето на Купот на Италија помеѓу Милан и Болоња не донесе само спортски возбудувања, туку и моменти на тивка тензија. Вниманието го привлече студениот однос меѓу тренерот на Милан, Сержо Консеисао, и фудбалерот на Болоња, Давиде Калабрија. На церемонијата за доделување на медалите, Калабрија се поздрави со сите поранешни соиграчи од Милан, но не и со Консеисао. Тренерот одби да го погледне, не му подаде рака и само промрмори нешто. Ова не беше првпат нивниот однос да биде во центарот на вниманието. Во јануари, по еден натпревар против Парма, тие влегоа во вербална расправија. Веднаш по тоа, Калабрија замина од Милан и премина на позајмица во Болоња. Во финалето, токму Калабрија беше дел од тимот кој го победи Милан и освои трофеј. Иако победата беше голема за Болоња, во фокусот остана напнатиот однос меѓу играчот и тренерот, кој не изгледа дека ќе се смири наскоро.

Schifo pic.twitter.com/dkss9cZkkT

— Marco (@MarcoReNer_azz) May 14, 2025

Не е дозволено копирање и користење на содржините без да бидат исполнети
Условите за користење на содржините.