Мерсон: Арсенал ќе испадне од трката за титулата ако се случи едно

October 24, 2024 | Kristijan Trajchov | Свет

Арсенал беше најголемиот ривал на Манчестер Сити во последните две сезони за освојување на Премиер лигата. Иако и двете сезони беа близу, сепак титулите завршуваа во рацете на Сити. Во недела Арсенал ќе го дочека Ливерпул и дерби натпреварот ќе го пропуштат Салиба, Одегард, Калафиори, Тирни и Томијасу. Легендата на клубот Пол Мерсон смета дека ако Арсенал загуби од Ливерпул на „Емирејтс“, тогаш ќе биде надвор од трката за првата позиција без разлика што е рано за да се одлучи освојувачот на лигата. „Би бил шокиран ако Арсенал го загуби ова, продолжи и ја освои лигата. Би бил апсолутно изненаден, би бил вчудовиден. Тие не бркаат само еден тим, туку два. Знам дека сите ќе седат дома и ќе велат, „остануваат уште 29 натпревари“, но на почетокот на сезоната, кога имаше 38 натпревари, ако кажев дека ги имам Сити и Ливерпул да ја освојат лигата, ти земи го Арсенал, но мораш да ми дадеш седум бода предност, немаше да го направиш тоа за милион години, така што не би го направил тоа сега со 29 натпревари до крајот“, вели Мерсон. Арсенал и Ливерпул ќе го одиграат дерби натпреварот во недела со почеток од 17:30 часот.

Не е дозволено копирање и користење на содржините без да бидат исполнети
Условите за користење на содржините.