Меси го постигна својот прв гол во новата сезона во МЛС (ВИДЕО)

March 17, 2025 | Kristijan Trajchov | Свет

Лионел Меси го запиша својот прв погодок во новата сезона на американската МЛС лига, предводејќи го Интер Мајами до триумф од 2:1 на гостувањето кај Атланта Јунајтед. Домаќините први дојдоа до предност во 11. минута преку Емануел Лате-Лат, поранешниот фудбалер на Мидлсброу. Само девет минути подоцна, Меси возврати – одзеде топка на работ од шеснаесетникот, на вешт начин го елиминираше Дерик Вилијамс и со прецизен удар го совлада голманот Бред Гузан, кој излезе да го скрати аголот. Жорди Алба во 89. минута го пронајде Фаф, кој ја затресе мрежата за конечни 2:1, носејќи му на Интер Мајами три бода. Тимот од Флорида останува на врвот во лигата по четири кола, со три победи и едно реми. Во досегашниот дел од сезоната, Меси има еден гол и две асистенции.

Не е дозволено копирање и користење на содржините без да бидат исполнети
Условите за користење на содржините.