Милан и Интер го претставија планот за новиот стадион: Ќе чини 700 милиони евра

March 25, 2025 | Kristijan Trajchov | Свет

Долгогодишниот дом на италијанскиот фудбал, легендарниот „Џузепе Меаца“ и „Сан Сиро“, наскоро би можел да замине во историјата, отстапувајќи место на револуционерен спортски комплекс кој ќе го носи фудбалот во Милано во нова ера. Двата милански гиганти, Милан и Интер, официјално ги презентираа своите планови за изградба на супер-модерен стадион, кој ќе стане нов симбол на градот. Според предложениот проект, 71.500 гледачи ќе имаат можност да уживаат во врвен фудбал на стадион кој ќе ги исполнува највисоките стандарди на модерната архитектура и технологија. Овој амбициозен проект се проценува на околу 700 милиони евра, а покрај главната арена, предвидено е целосно трансформирање на околниот простор во динамична спортска и рекреативна зона. Со завршувањето на градбата, кое е планирано за 2031 година, Милано ќе се здобие со еден од најсовремените фудбалски објекти во Европа – место каде што традицијата ќе се сретне со иднината.

Не е дозволено копирање и користење на содржините без да бидат исполнети
Условите за користење на содржините.