Милан ќе го потпише Вокер и ќе продаде двајца фудбалери во Турција

January 21, 2025 | Kristijan Trajchov | Свет

Милан планира значителни промени во јануарскиот преоден рок, целејќи на зајакнување на тимот за вториот дел од сезоната. Една од најголемите вести е доаѓањето на Кајл Вокер, кој според англиските медиуми, се очекува да пристигне во Милано уште вечерва или утре и да биде претставен како нов член на „росонерите“. Во меѓувреме, Милан се разделува со двајца играчи кои не го оправдаа очекуваното во досегашниот дел од сезоната. Емерсон Ројал, според плановите, ќе премине во Галатасарај преку класичен трансфер, додека српскиот дефанзивец Страхиња Павловиќ, кој ретко добиваше минутажа, веќе ги договорил условите за заем во Фенербахче. Од друга страна, Манчестер Сити му дал зелено светло на Вокер да преговара со други клубови, а за релативно ниска отштета, искусниот дефанзивец наскоро би можел да стане дел од „црвено-црните“. Со овие чекори, Милан се надева дека ќе ја засили својата позиција и ќе се врати на победничкиот пат.

Не е дозволено копирање и користење на содржините без да бидат исполнети
Условите за користење на содржините.