Млад тренер одбил да биде тренер на Манчестер Јунајтед!

October 13, 2024 | Kristijan Trajchov | Свет

Весникот „Bild“ откри дека млад германски тренер одбил да биде тренер на Манчестер Јунајтед минатото лето. Раководството на Јунајтед сакаше да потпише нов тренер кој ќе го наследи Ерик Тен Хаг, но откако не најдоа достојна замена, беа принудени да го обноват договорот со холандскиот тренер за уште две години. Според германскиот весник, еден од оние кои одбиле да биде тренер на „црвените ѓаволи“ е тренерот на Штутгарт, Себастијан Хенес. Челниците на Јунајтед го контактирале Хенес за да ја истражат можноста тој да биде тренер на тимот, тренерот бил поласкан, но веднаш ги известил дека во моментов не може да го напушти Штутгарт. Хенес смета дека неговата работа со „крокодилите“ се уште не е завршена и претпочита да продолжи со Штутгарт уште една година. Тој успеа да направи големо изненадување минатата сезона завршувајќи на второто место во Бундеслигата и се квалификуваше за Лигата на шампионите за прв пат по 14 години. Хенес е познат по тоа што преферира убав фудбал, до тој степен што и самиот Пеп Гвардиола изрази љубов кон стилот на тренерот кој претходно работеше во резервниот тим на Баерн Минхен и Хофенхајм.

Не е дозволено копирање и користење на содржините без да бидат исполнети
Условите за користење на содржините.