Мукоко лажел за своите години: Има 24, а не 20?!

December 13, 2024 | Kristijan Trajchov | Свет

Јусуфа Мукоко, 20-годишниот напаѓач на Борусија Дортмунд, кој моментално е на позајмица во француската Ница, оваа сезона постигна два гола и додаде две асистенции на 13 настапи во сите натпревари. Мукоко беше прогласен за еден од најголемите таленти во светскиот фудбал уште на 12 години, кога започна да руши рекорди со своите настапи во младинските категории. Сепак, неодамнешни откритија ја потресоа неговата кариера, предизвикувајќи нови сомнежи за неговата возраст. Според информации објавени од германскиот „Bild“, Мукоко, кој официјално е роден на 20 ноември 2004 година, всушност е четири години постар. Извештаите сугерираат дека тој е роден на 19 јули 2000 година, а за ова откритие се вклучени и изјави од неговиот старател, Џозеф Мококо (73), кој во документарецот на „ПроЗибен“ потврди дека ја сменил возраста на фудбалерот. Според Џозеф, тој купил лажен извод од раѓање за Јусуфа во Камерун и го однел во Германија, каде го подмладил за четири години, така што на официјалните документи сега пишува дека Мукоко е роден во 2004 година. Во неговата изјава под заклетва, Џозеф додал дека работел во клубот Борусија Дортмунд, а неговата сопруга била вработена во агенција која работела за спонзорот на клубот, Евоник, што им овозможило финансиска сигурност. Ова откритие го враќа вниманието на контроверзите кои веќе години наназад ја опкружуваат кариерата на Мукоко, кој продолжува да ги руши младинските рекорди, но сега се соочува со нови прашања за неговото вистинско потекло и возраст.

Не е дозволено копирање и користење на содржините без да бидат исполнети
Условите за користење на содржините.