Мурињо во нова војна со Пеп: Моите титули во ПЛ се чисти, ти имаш 150 обвиненија за криминал

December 6, 2024 | Kristijan Trajchov | Свет

Жозе Мурињо има долгогодишна и богата тренерска кариера, во која изградил многу ривалства со други менаџери. Еден од најголемите ривали своевремено му беше Пеп Гвардиола. Ривалството датира уште во 2010 година, кога Мурињо, како тренер на Интер, го совлада Пеп Гвардиола и неговата Барселона во полуфиналето на Лигата на шампионите. Тој го однесе Интер во финалето, а потоа и до титулата шампион на Европа. Потоа, нивните патишта се среќаваа неколку пати, кога Мурињо беше на чело на Реал Мадрид, а Гвардиола на Барселона, а потоа и во Премиер Лигата, каде Португалецот го тренираше Манчестер Јунајтед, а Шпанецот Манчестер Сити. Но, ривалството меѓу нив повторно се разгоре по последната изјава на Гвардиола. Тренерот на Манчестер Сити изјави дека и двајцата се слични, но дека тој освоил двојно повеќе титули во Премиер Лигата од Мурињо. „Се надевам дека со мене нема да биде така. Жозе и јас сме слични, но тој го освои првенството трипати, а јас шестпати. Сè уште сме слични. Во тоа сме согласни. На тој начин покажуваме дека сме далеку, далеку подобри отколку што луѓето обично мислат за нас“, изјави Гвардиола. Мурињо, како што беше очекувано, не задоцни да возврати на оваа изјава. Португалецот нагласи дека неговите титули се заслужени и освежи некои стари контроверзии, поврзувајќи ги со Гвардиола. „Гледам дека Гвардиола зборувал нешто за мене. Дека ја освоил шестпати Премиер лигата, а јас трипати. Е, сега, јас ја освоив чесно и јасно. Кога би губел, би му честитал на противникот кој беше подобар од мојот тим. Не сакам победи така што против мене се водат судски процеси по 150 различни обвиненија“, поентираше Мурињо. Неговата изјава се однесува на долгото судење против Манчестер Сити, познато како „судењето на векот“, во кое клубот е обвинет за различни прекршувања на финансиските правила. Ако се докажат овие прекршувања, тоа може да резултира со одземање на титулите на Сити, што уште повеќе ќе ја нагласи разликата во нивните тренерски пристапи и стилови.

Jose Mourinho FIRES BACK at Pep Guardiola: "He won six trophies and I won three, but I won fairly and cleanly. “If I lost, I want to congratulate my opponent because he was better than me. “I don’t want to win by dealing with 150 lawsuits.” 💀 READ MORE:… pic.twitter.com/eWwNuUk3ks

— Hayters TV (@HaytersTV) December 6, 2024

Не е дозволено копирање и користење на содржините без да бидат исполнети
Условите за користење на содржините.