Најк потпиша договор со осумгодишното чудо од дете

August 21, 2025 | Kristijan Trajchov | Свет

Најк потпиша договор со осумгодишното чудо од дете

Во светот на фудбалот сме навикнати да гледаме како младите таленти рано добиваат внимание од големите спортски брендови, но потегот на „Најк“ овојпат изненади дури и најголемите познавачи. Компанијата реши да го потпише својот најмлад амбасадор досега – Натанзињо, само осум години дете-чудо кое се развива во академијата на Фламенго. Ова претставува историски момент и за клубот од Рио де Женеиро, бидејќи никогаш во својата богата историја немал толку млад фудбалер кој склучил договор со еден од водечките спортски производители. Според бразилските медиуми, „Најк“ гледа огромен потенцијал во малиот Натанзињо и сакал навремено да го обезбеди, пред конкуренцијата. Минатата сезона тој постигна 18 голови во државното првенство до 8 години и беше прогласен за најдобар стрелец и најдобар играч на турнирот. Фламенго, пак, може да биде горд што повторно привлекува внимание со свој младински погон, кој веќе изнедри светски ѕвезди како Винисиус Жуниор и Лукас Пакета.

Не е дозволено копирање и користење на содржините без да бидат исполнети
Условите за користење на содржините.