Најомразениот играч во фудбалот доби своја серија

April 22, 2025 | Kristijan Trajchov | Свет

Документарната серија насловена „Baila, Vini“, што во превод значи „Играј, Вини“, ќе биде достапна на „Нетфликс“ од 15 мај. Официјалната најава конечно ги откри и името и датумот на премиерата, откако со месеци се шпекулираше за проектот посветен на бразилската ѕвезда на Реал Мадрид. Винисиус Жуниор, еден од најексплозивните напаѓачи на денешницата и клучна фигура во редовите на „кралскиот клуб“, ќе добие свое филмско остварување кое ветува искрен и длабок поглед на неговиот живот и кариера. Серијата ќе го раскаже неговиот подем од сиромашните улици на Бразил, па сè до големата слава на „Сантијаго Бернабеу“. Покрај неговите успеси на теренот, во документарецот ќе бидат обработени и некои лични и општествени теми, меѓу кои доминира неговата храбра борба против расизмот, прашање за кое Винисиус често и отворено зборува. Публиката ќе има можност да го запознае Винисиус одблиску, дури и оние кои не се негови најголеми фанови. Во серијата ќе се појават и ѕвезди од фудбалскиот свет блиски до Бразилецот како Нејмар, Џуд Белингем, Карим Бензема, Роберто Карлос и Тони Крос.

Не е дозволено копирање и користење на содржините без да бидат исполнети
Условите за користење на содржините.