Наполи на Конте сериозно загриза за Серија А, повторно се лидери! (ВИДЕО)

December 21, 2024 | Kristijan Trajchov | Свет

Екипата на Наполи вечерва потврди дека е фаворит во италијанската Серија А, освојувајќи ги трите бода во дуелот со Џенова (2-1). Со ова, наполитанците најмалку до утре ќе останат на врвот на табелата. Џенова, која во претходното коло ги изненади сите со победата против Милан, денеска не успеа да ја повтори таа форма. Наполи ја затресе мрежата на домаќините во период од 15 до 23 минута – најпрво со голот на Ангиса, а потоа и со погодоци на Рахмани. Но, Џенова не се предаде. Во 51 минута, Пинамонти успеа да го намали резултатот, оставајќи ги гостите во потрага по израмнување. Најблиску до тоа беа во 86 минута, кога Балотели ја погоди десната статива, но среќата беше на страната на Наполи. Сега, екипата на Конте има 38 бода, што е еден повеќе од Аталанта, која утре ќе биде фаворит во дуелот со Емполи.

Не е дозволено копирање и користење на содржините без да бидат исполнети
Условите за користење на содржините.