Не е само Куња: Јунајтед тргнува по нова ѕвезда од Премиер лигата

May 26, 2025 | Kristijan Trajchov | Свет

Манчестер Јунајтед ја започнува реконструкцијата на офанзивната линија за сезоната 2025/26. По веќе договорениот трансфер на Матеуш Куња од Вулверхемптон во зделка вредна 62,5 милиони фунти, фокусот на клубот од „Олд Трафорд“ се префрла на следната офанзивна цел – Брајан Мбеумо од Брентфорд. Според „TalkSport“, новиот менаџер Рубен Аморим има јасна визија: драстично зајакнување на нападот со брзи, технички и ефикасни фудбалери. Камерунецот Мбеумо, кој зад себе има блескава сезона со 20 погодоци во Премиерлигата, е високо на листата на желби. Иако има договор со „пчелите“ до јуни 2026, со можност за продолжување уште една година, самиот тренер на Брентфорд, Томас Франк, призна дека клубот е отворен за соработка доколку пристигне вистинската понуда. „Мбеумо е во своите најдобри години. Би сакал да остане, но ние сме клуб кој продава кога ќе се појави вистинска сума“, изјави Франк. Се шпекулира дека таа „вистинска сума“ изнесува околу 50 милиони фунти, што за „ѓаволите“ би била втора голема инвестиција во нападот во краток временски период.

Не е дозволено копирање и користење на содржините без да бидат исполнети
Условите за користење на содржините.