Не престанува притисокот врз Аморим: „Јунајтед беше подобар со Тен Хаг отколку сега со него“

January 20, 2025 | Kristijan Trajchov | Свет

Алан Ширер, кој освен што е познат како стручен коментатор и аналитичар за случувањата во англискиот фудбал, во исто време е и најдобриот стрелец во историјата на Премиер лигата. Тој ја коментираше тешката ситуација во Манчестер Јунајтед. Според него, актуелниот тренер Рубен Аморим не успева да го подигне тимот, кој, како што тврди Ширер, бил подобар под водство на Ерик Тен Хаг. „Овој тим сега е всушност полош отколку кога беше со Тен Хаг. Проблемот лежи во системот што Аморим се обидува да го воведе. Тоа едноставно не функционира со фудбалерите кои моментално ги има на располагање. Понекогаш треба да се прилагодите на ситуацијата, а не да се инсистира на нешто што тимот не го може,“ изјави Ширер, додавајќи критика за начинот на кој функционира тимот. И самиот Аморим по вчерашниот пораз призна дека ситуацијата е загрижувачка, велејќи дека овој Манчестер Јунајтед е најслабиот во историјата на клубот. Со вакви критики и продолжување на слабите резултати, јасно е дека клубот се соочува со сериозна криза, додека навивачите и експертите бараат итни промени за враќање на славните денови.

Не е дозволено копирање и користење на содржините без да бидат исполнети
Условите за користење на содржините.