Нејмар преговара со тимови од МЛС, има три понуди на маса!

January 16, 2025 | Kristijan Trajchov | Свет

Бразилскиот фудбалер Нејмар се наоѓа пред можноста да ја продолжи својата кариера во МЛС-лигата, напуштајќи го Ал Хилал. Според ESPN, Нејмар е во преговори со три екипи од оваа лига, а Чикаго се издвојува како главен кандидат за неговиот потпис. Иако долго време се шпекулираше за можноста тој повторно да заигра заедно со Лионел Меси и Луис Суарез, ваквото сценарио е отфрлено, бидејќи Интер Мајами наводно нема доволен буџет за да го ангажира Бразилецот. Трансферот на Нејмар во саудискиот клуб Ал Хилал во 2023 година беше еден од најзначајните потези на летниот трансфер-период. Оваа зделка привлече огромно внимание бидејќи Нејмар го напушти Париз Сен Жермен по шест сезони, каде што беше една од најголемите ѕвезди. Ал Хилал го обезбеди потписот на Бразилецот за околу 90 милиони евра, што го направи еден од најголемите трансфери во историјата на клубот и на саудиската Професионална лига. Со ова, Саудиска Арабија продолжи со својата стратегија за привлекување врвни светски фудбалери како дел од напорите за развој на националниот спорт и зголемување на глобалниот профил на нивната лига. Нејмар потпиша договор со Ал Хилал за две сезони, со извонредна годишна плата од околу 100 милиони евра, вклучувајќи бонуси и маркетинг-права. Овој трансфер беше значаен не само за клубот, туку и за Саудиската лига. Сепак, престојот на Нејмар во Ал Хилал не помина без предизвици. Тој се соочи со повреда, што го спречи да го покаже својот целосен потенцијал.

Не е дозволено копирање и користење на содржините без да бидат исполнети
Условите за користење на содржините.