Нејмар заминува од С. Арабија, се враќа дома!

January 27, 2025 | Kristijan Trajchov | Свет

Деновите на бразилската ѕвезда Нејмар во Ал-Хилал се чини дека се изброени, а неговото враќање во родниот Сантош е сè поблиску. Наводно, играчот веќе го дал својот „да“ за трансферот во клубот каде што ја започна кариерата, но останува клучниот чекор – постигнување договор меѓу двата клуба. Не е тајна дека Нејмар одамна ја посакува можноста повторно да игра во Бразил, а сега се чини дека овој сон е на дофат. Сепак, преговарањето за раскин на договорот со Ал-Хилал може да биде најголемиот предизвик. Проблемот е што Бразилецот, и покрај тоа што одигра само два натпревари за клубот, бара целосна исплата на своите финансиски обврски. Тренерот на Ал-Хилал, Хорхе Жесус, донесе и одлука која ги изненади многумина – Нејмар нема да биде пријавен за пролетниот дел од сезоната во првенството на Саудиска Арабија. Жесус, очигледно свесен дека не може да смета на услугите на бразилскиот ас, се помирил со ситуацијата и реши да направи место за играчи на кои ќе може вистински да се потпре. Во интерес на сите страни е брзо да се најде решение. Ал-Хилал би се ослободил од тежината на големиот договор, Сантош би добил значајно засилување, а Нејмар би можел да се врати во форма и да се подготви за својот сон – предводење на Бразил на Светското првенство следната година. Останува да видиме дали оваа трансфер-сага конечно ќе добие среќен крај во наредните денови.

Не е дозволено копирање и користење на содржините без да бидат исполнети
Условите за користење на содржините.