Неочекуван кикс на Интер: Испуштени два важни бода против Парма (ВИДЕО)

April 5, 2025 | Kristijan Trajchov | Свет

Интер се враќа дома со горчлив вкус на промашена шанса бидејќи мечот против борбената Парма заврши само со бод, иако „нераѕурите“ имаа сигурна предност од два гола на полувреме. Симоне Инзаги и неговите избраници започнаа со стил. Дармијан го отвори резултатот со прецизен удар по само 15 минути, а веднаш пред паузата, Турам изведе чудесен лоб кој од „несмасен обид“ прерасна во ремек-дело за 0-2. Интер изгледаше како да маршира кон уште една победа, но Парма имаше други планови. Во вториот дел, домаќините се разбудија и покажаа дека не се само статисти во оваа приказна. Бернабе ја раздвижи атмосферата со прецизен удар за 1-2, а само девет минути подоцна, Ондрејка го запали „Енио Тардини“ со израмнувачки погодок и експлозија на емоции во жолто-синиот камп. Интер го испушти гасот кога најмногу требаше, а овие два изгубени бода може да тежат скапо во трката за Скудетото. За Парма ова беше реми со вкус на победа. За Интер, потсетник дека титулите не се освојуваат само со едно добро полувреме.

Marcus with the magic touch! Inter on fire, Parma in flames Thuram name on the scoreboard And he just getting started ⚽️💥 Video Courtesy : SerieA #SerieA #Parma #Inter #MarcusThuram pic.twitter.com/0HlN8mBGjm

— STARZPLAY | ستارزبلاي (@STARZPlayArabia) April 5, 2025

Не е дозволено копирање и користење на содржините без да бидат исполнети
Условите за користење на содржините.