Нојер остро до Донарума: Такви работи не смеат да се случуваат!

July 6, 2025 | Kristijan Trajchov | Свет

Нојер остро до Донарума: Такви работи не смеат да се случуваат!

Пари Сен Жермен го елиминираше Баерн Минхен и избори полуфинале на Светското клупско првенство, но победата на парискиот гигант беше засенета од тешката повреда на Џамал Мусиала. Младиот германски фудбалер се повреди во финишот на првото полувреме откако Донарума влета во дуел со него и со целата тежина падна директно на неговата нога, што доведе до сериозна повреда на коската и лигаментите. По натпреварот, капитенот на Баерн, Мануел Нојер, не остана рамнодушен и ја коментираше ситуацијата, јавно упатувајќи критика до италијанскиот голман. „Такви потези не смеат да се случуваат на ова ниво. Донарума свесно ризикуваше, иако беше свесен за последиците. По мечот му кажав: ‘Зарем не мислиш дека треба да му пријдеш и да го прашаш како е? Барем да му посакаш брзо заздравување.’ Почитта и фер-плејот се основа на секој спорт. Резултатот никогаш не смее да биде поважен од човечноста“, рече Нојер. Изјавата на Нојер веднаш предизвика реакции на социјалните мрежи, каде многумина ја поздравија неговата порака за почит и спортски дух.

Не е дозволено копирање и користење на содржините без да бидат исполнети
Условите за користење на содржините.