Нотингем го посрамоти Брајтон: Му даде СЕДУМ гола (ВИДЕО)

February 1, 2025 | Kristijan Trajchov | Свет

Нотингем Форест одигра спектакуларен натпревар и стигна до една од своите најубедливи победи во историјата на Премиер лигата, совладувајќи го Брајтон со убедливи 7:0. Домаќините поведоа уште во 12. минута, откако автоголот на Данк го отвори резултатот. Брајтон се обидуваше да возврати, но Нотингем беше неверојатно ефикасен во нападот. Гибс-Вајт ја удвои предноста во 25. минута, а само седум минути подоцна најдобриот стрелец на тимот, Вуд, погоди за 3:0. Во вториот дел, гостите како да се откажаа од натпреварот, што му овозможи на Нотингем лесно да го доврши триумфот. Вуд со два дополнителни гола го комплетираше својот хет-трик, додека Вилијамс и Жота Силва исто така се запишаа во листата на стрелци за конечни 7:0. Со оваа победа, Нотингем се искачи на третото место на табелата со 47 бодови, исто колку и Арсенал, кој има натпревар помалку. Брајтон, пак, останува на деветтата позиција со 34 бода.

Не е дозволено копирање и користење на содржините без да бидат исполнети
Условите за користење на содржините.