June 19, 2025 | | Свет
Новата сезона уште не започнала, а Манчестер Јунајтед веќе се соочува со жестоки критики – овојпат не поради резултати, туку поради одлука која директно ги засега најверните навивачи. Раководството на клубот воведе нов модел на категоризација на натпреварите, според кој цените на влезниците за одредени мечеви – како дербито против Арсенал на 17 август – ќе достигнуваат и до 97 фунти. Овој потег ќе погоди околу 20.000 членови кои редовно ги купуваат билетите преку годишно членство за домашните натпревари на „Олд Трафорд“. Револтот е силен, а од Здружението на навивачи јавно истапија со критики, нагласувајќи дека клубот воопшто не се консултирал со телото кое ги претставува поддржувачите. „По сезоната што ја имавме, очекувавме разум, не товар“, гласи еден од коментарите на социјалните мрежи, каде гневот расте од ден на ден. Извршниот директор на клубот, Омар Берада, пак, тврди спротивното. „Во процесот на редизајн на моделот за продажба на билети беа вклучени претставници на навивачите и ги земавме предвид сите фактори.“ Но, навивачите остануваат скептични, особено по една од најслабите сезони во историјата на клубот, во која Манчестер Јунајтед заврши на 15. место во Премиер лигата со само 42 бода, а финалниот пораз од Тотнем во Лигата на Европа значеше и крај на надежите за европски фудбал следната сезона.
Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 7, 2024 |
September 16, 2024 |