Официјално: Алиоски повторно е член на Лугано!

June 21, 2025 | Kristijan Trajchov | Свет

Официјално: Алиоски повторно е член на Лугано!

По нецелосно остварената авантура во Саудиска Арабија, македонскиот репрезентативец Езгјан Алиоски повторно ќе го носи дресот што му донесе европска фудбалска афирмација – Лугано. Швајцарскиот клуб официјално потврди дека договорот е склучен, а Алиоски потпиша на две години со можност за продолжување до 2027 година. „Со огромно задоволство објавуваме дека Езгјан Алиоски се враќа во Лугано. Станува збор за фудбалер кој веќе еднаш остави длабока трага во нашиот клуб и кој сега доаѓа со уште поголемо искуство“, стои во соопштението на клубот. Алиоски беше дел од Лугано од 2015 до 2017 година, период во кој се етаблираше како еден од најзабележителните фудбалери во швајцарскиот шампионат, што му го отвори патот до трансфер во англиски Лидс. Потоа следуваа настапи во Турција и Саудиска Арабија, но минутажата и улогата во Ал Ахли не беа во согласност со неговиот потенцијал. Со враќањето во позната средина, Алиоски добива шанса да се врати во полн ритам, особено пред новите квалификациски предизвици со македонската репрезентација.

Не е дозволено копирање и користење на содржините без да бидат исполнети
Условите за користење на содржините.