ОФИЦИЈАЛНО: Милан го отпушти Фонсека!

December 30, 2024 | Kristijan Trajchov | Свет

Милан реши да му врачи отказ на Пауло Фонсека по последното реми со Рома. „Росонерите“ ја завршуваат годината на долниот дел од табелата во Серија А, што предизвика незадоволство кај навивачите, кои го насочија гневот кон главниот оперативец Златан Ибрахимовиќ. Според информации, по натпреварот со Рома, Ибрахимовиќ имал остра расправија со Фонсека, кој потоа потврдил дека повеќе нема да го води тимот. „Да, вистина е, повеќе не сум тренер на Милан. Совеста ми е чиста, направив сè што беше во моја моќ“, изјави Фонсека додека заминуваше од „Сан Сиро“. Сепак, тој ја негираше наводната расправија со Ибрахимовиќ. „Не, немаше кавга меѓу нас. Не можам да коментирам нешто што не се случило“, додаде тој. Ситуацијата во Милан сега е подложна на притисок, дури и за Ибрахимовиќ, бидејќи токму тој го донесе Фонсека на клупата. Ремито против Рома беше одлучувачкиот момент за Португалецот. Со обврската да ја добие таа средба за да ја зачува позицијата, неуспехот значеше крај на неговиот мандат. Фонсека го водеше Милан само 181 ден, а неговиот наследник ќе биде Серџо Консеисао, кој досега го предводеше Порто.

Не е дозволено копирање и користење на содржините без да бидат исполнети
Условите за користење на содржините.