Освен Винисиус, и Белингем се однесувал безобразно: Сакаше да го провоцира Столе (ВИДЕО)

January 5, 2025 | Kristijan Trajchov | Свет

Шпанските спортски медиуми сè уште го анализираат натпреварот меѓу Валенсија и Реал Мадрид, кој предизвика бројни контроверзии поради случувањата на теренот. Мечот привлече огромно внимание, особено поради инцидентите што го обележаа неговиот крај. Еден од клучните моменти беше ударот што македонскиот голман Столе Димитриевски го прими од бразилската ѕвезда на Реал Мадрид, Винисиус Жуниор. Овој настан доведе до исклучување на Винисиус, а многумина сметаат дека одлуката на судијата била оправдана. Сепак, дополнителните прегледи на снимките открија уште еден спорен инцидент кој остана надвор од вниманието на судиите. По исклучувањето на Винисиус, Џуд Белингам, неговиот соиграч, пријде до Димитриевски со шише вода и направи гест како да сака да го испрска. Иако овој потег не предизвика поголем инцидент, судиската екипа не го забележа и немаше никакви последици за Белингам.

Bellingham is far from being a likable player for me. Emptying goalkeeper’s bottle? Yeah that’s completely normal behavior. pic.twitter.com/jPLkPJVnLg

— Maty 🔴 (@Ma6eS_9) January 4, 2025

Не е дозволено копирање и користење на содржините без да бидат исполнети
Условите за користење на содржините.