Овен: Прашање на време е кога тој ќе заврши во Мадрид

January 1, 2025 | Kristijan Trajchov | Свет

Реал Мадрид ќе мора да биде активен на трансфер пазарот во јануари, а десната бековска позиција е една од клучните области што треба да се засилат. Претседателот Флорентино Перез веќе иницираше план за ангажман на Трент Александер-Арнолд, кој се наоѓа во последните месеци од својот договор со Ливерпул. Со истекот на договорот во јуни, Реал Мадрид е во поволна позиција за преговори. Реал веќе понудил одредена сума за Трент, но Ливерпул сака до крај да се обиде да го убеди да го продолжи договорот. Сепак, легендарниот Мајкл Овен не верува дека тоа ќе се случи. Овен, кој и самиот своевремено направи директен трансфер од Ливерпул во Реал Мадрид, вели дека кога најуспешниот клуб во Европа повикува, тешко е да се одбие. „Фактот дека Реал има јасна намера да го доведе Александер-Арнолд ме уверува дека е само прашање на време кога тој ќе потпише за нив. Ако Трент имал намера да потпише нов договор со Ливерпул, Реал немаше да влезе во официјални чекори. Сигурно веќе се водат тајни разговори меѓу двата клуба. Ова е голема вест“, напиша Овен на „Икс“.

The very fact that Real Madrid have now made their intentions clear towards signing Trent Alexander Arnold leads me to believe that it’s only a matter of time before he signs for them. If he was going to sign a contract extension, Madrid wouldn’t have officially made their move.…

— Michael Owen (@themichaelowen) December 31, 2024

Не е дозволено копирање и користење на содржините без да бидат исполнети
Условите за користење на содржините.