Пак проблеми за Јуве: Голема сума конфискувана од сопственикот на клубот!

September 21, 2024 | Kristijan Trajchov | Свет

Повторно проблеми за Јувентус. Судот во Торино одлучи да одземе речиси 75 милиони евра од сопственикот на Јувентус, Џон Елкан. Освен Елкан, неговиот брат Лапо, неговата сестра Гинерва и претседателот на клубот Џанлука Фереро се исто така под истрага а причината е „даночна измама“ и „измама на штета на државата“. Ова семејство својот имот го наследил по смртта во 2019 година на нивната баба Марела Карачиоло, сопруга на поранешниот шеф на Фиат и поранешен сопственик на Јуве, Џани Ањели. Инспекторите тврдат дека откриле докази за вистинскиот престој на Марела Карачоло во Италија од 2010 година, спротивно на тврдењата за жителство во Швајцарија. Ова несовпаѓање ја формира основата на обвинувањата во врска со шемата за избегнување на италијанските закони за наследство и даноци. Истрагата откри значителни непријавени приходи и имот. Прелиминарните проценки сугерираат 42,8 милиони евра за избегнат данок на доход и 32 милиони евра за избегнати даноци на наследство и подарок на имот вреден над 800 милиони евра. Адвокатите на Елкан тврдат дека ова е нормална процедура и дека ова не мора да значи дека се виновни. „Потенцираме дека Марела Карачоло е жител на Швајцарија од раните 70-ти години, многу пред да се родат браќата Елкан. Нејзината желба да живее во Швајцарија беше непроменета. Убедени сме дека можеме да ја докажеме невиноста на нашите клиенти“, тврдат тие.

Не е дозволено копирање и користење на содржините без да бидат исполнети
Условите за користење на содржините.