Павлидис постигна хет-трик против Барса и влезе во друштво на Мбапе, Шевченко и Асприља

January 22, 2025 | Kristijan Trajchov | Свет

Грчкиот репрезентативец Вангелис Павлидис беше на чекор до херојскиот статус во синоќешниот спектакл од Лигата на шампионите. Неговиот хет-трик постигнат за само 28 минути беше вистински подвиг, но сепак, не беше доволен за победа на неговата Бенфика против Барселона, која триумфираше во драматичен финиш со 5-4. И покрај поразот, Павлидис има причини за гордост, бидејќи со своето извонредно постигнување влезе во ексклузивното друштво на играчи кои успеале да постигнат хет-трик против „каталонскиот гигант“ во историјата на Лигата на шампионите. Со ова, тој стана само четвртиот играч кој го направил тоа, приклучувајќи се на легендите Фаустино Асприља и Андриј Шевченко, кои го постигнаа истиот подвиг во 1997 година, и на Килијан Мбапе, кој блесна против Барса во 2021 година.

Не е дозволено копирање и користење на содржините без да бидат исполнети
Условите за користење на содржините.