Перез знае како да заработи: Ќе врати фудбалер, па веднаш ќе го продаде за добра сума

March 21, 2025 | Kristijan Trajchov | Свет

Флорентино Перез, претседателот на Реал Мадрид, е човек кој никогаш не се двоуми да инвестира голема сума во играч што го посакува. Шефот на „кралскиот клуб“ секогаш ги реализира трансферите што ги има на ум, а сега направи неочекуван потег со младиот Нико Паз. Шпанските медиуми наведуваат дека Перез е свесен за огромниот потенцијал на Паз, а тоа го потврдува и интересот од клубови како Интер. Сепак, Реал сака да го обезбеди неговиот потпис и би можел да го продаде за 50 милиони евра. Иако за 20-годишникот можеби нема место во првиот тим на Реал, клубот е подготвен да ја искористи оваа ситуација и да профитира од неговиот трансфер. Паз веројатно нема да биде воодушевен од ваквата опција, но според договорот што го потпиша, Реал има право да го откупи пред сите останати клубови. Токму затоа, „кралевите“, предводени од Перез, апсолутно имаат намера да ја искористат оваа можност.

Не е дозволено копирање и користење на содржините без да бидат исполнети
Условите за користење на содржините.