June 14, 2025 | | Свет
Летниот трансфер пазар станува сè поинтензивен, а новата потенцијална „бомба“ доаѓа од Англија и Шпанија. Според најновите информации, Енди Робертсон би можел да го напушти Ливерпул, откако Атлетико Мадрид сериозно се активираше за неговиот потпис. Наводно, мадридскиот клуб веќе е на чекор да се договори со шкотскиот репрезентативец, кој е отворен за нов предизвик по повеќе од седум успешни сезони на „Енфилд“. Атлетико веќе започнал преговори со Ливерпул за обештетувањето, а англискиот клуб наводно е подготвен да го пушти искусниот бек за соодветна сума. Причината? Ливерпул планира да ја освежи бековската линија со Милош Керкез, кој се очекува да пристигне на „Енфилд“ наскоро и да ја преземе оваа позиција. Овој можен трансфер би означил крај на една ера за Робертсон во Ливерпул – играчот кој беше дел од тимот што ја освои Лигата на шампиони, Премиер лигата и уште многу трофеи.
Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 7, 2024 |
September 16, 2024 |